Nerisassanik/imeruersaatinillu inniminniisoqarsinnaavoq marlungnornermi. Nerisassat/imeruersaatillu sulisunik isumaqatigeereernermik inniminnerneqassapput. Ataasinngornikkut isumaqatigereersimagaani immineq nerisassaminnik igasoqarsinnaavoq.

Uninngasut aneertarfillit, nammineq kiosk-imut pisiniassapput. Uninggasut sulisumik ilaqarlutik aneertartut, pisiniaqateqarsinnaaput sulisumik ilalerlutik. Uninngasut aneertarfeqanngitsut sulisunut ilisimatitsissapput pisiassaminik nal. 10-ngortinnagu, ulloq taanna pisiniussinissamut. Amerlanerpaamik pisiasat pingasuusinnaaput annermillu imeruersaat ½ liiteri.

R3-mi sullisigivarput ataasiakkaarlugit katsorsartillugit inuttaanut tulluarsakkamik, uninngasumut naliliiffigereernermi.

R3-mi piumasaqaatigineqarpoq, uninngasut sulisullu imminut torersumik oqaloriaaseqarnissai. Taamatuttaaq uninngasut akunnerminni.

R3-mi immitsinnut isumagivugut, assersuutigalugu nipiliorneq pillugu, atisalersoriaaseq, isersimaartarfinni. Tamatta akisussaaffigaarput afdeling-imi pissuserissumik oqaloriaaseqarnissarput.

Pigisanik nalilinni aammalu aningaasanik annertuumik nassataqartoqaqqusaanngilaq. Uninnganermi toqqorneqassapput. Napparsimavissuaq pisinnaatitaangilaq taarsiinissaminut annaassaqarsimagaani. Ilaatigooriarluni pisariaqarsinnaavoq, uninngasup qanoq issusaa najoqqutaralugu, aningaasat/aningaasanik tigusissutaa aamma pigisat nalillit toqqormatinneqarnissai.

Aningaasanik aallertoqarsinnaavoq marlunngornerinnarmi nal. 10-12. Aningaasanik nuussineq kisimi pisinnaavoq napparsimavissuup konto-anut, atilerlugit, inuuilerlugit imaluunniit inuup normulerlugit. Ilaquttaneersut ikinngutinnersuugaluarpataluunniit. Reg.nr. 7831, konto 4003456.

Sulisut uninngasulluunniit allap akiliutaanik aalliussisoqarsinnaanngilaq. Immikkuullarissumi pisoqarsimappatinunnik isumaginnittoq ittorput isumaqatginersigut aalliussisoqarsinnaavoq.

Pujortarneq pujortartarfimmi naativimmiluunni piffissami aaliangersimasuni kisimi pisinnaavoq.

Ikuallattornermi isumannaallisarneq peqqutigalugu ikittartoqaqqusaangilaq, inneqaqqusaangilaq aammalu naneruuteqaqqusaangilaq. Uninngasoq ikittartoqarpat, inneqarpat imaluunniit naneruutaateqarpat, arsaarinnissutigineqassapput. Illup iluarni pujortartoqarsimappat pujortagassaanik arsaarinnissutigineqarsinnaapput.

Nalinginnarmik uninngasut ilaquttaminnik pulaartoqarsinnaapput. Pulaartut imigassamik aangajaarniutinik sakkortuunillu aammalu imerpalasut pillertuusaniittut nassaqqusaangillat. Pulaarniat itigartinneqarsinnaapput, pulaarneq killilerneqarsinnaavoq imaluunniit nakkutigineqarsinnaavoq, eqqissisimanissaq aammalu torersuunissaq, imaluunniit sillimaniarneq peqqutigalugu pisariaqassappat.

Pulaartoqarnissaq kingusinnerpaamik ulloq sioqqullugu isumaqatigiissutigineqassaaq. Uninngasut ineeqqani pulaartoqaqqusaangilaq. Tunngavissaqarluaraani sulisunik isumaqatigiittoqarsinnaavoq.

Nakkutigineqartut politiit najoqqutai malissavaat. Uumasuuteqartoqaqqusaanngilaq.

Uninngasut oqarasuaatiminnik sianersinnaatitaapput. Sianersinnaatitaaneq killilersorneqarsinnaavoq katsorsartinnerup imaluunniit eqqisisimanissaq aammalu torersuunissaq piumasarineqarpat - pisariaqassappallu uninngasut oqarasuaatiminnik arsaagaasinnaapput/toqqortarineqarsinnaavoq.

Malunnarsaarnaveersarniarneq peqqutigalugu oqarasuaatit assiliutitai allallu assiliutit uninganermi atoqqusaangillat. Misissugaasut politiinik nakkutigineqarput.

Inerteqqutaavoq sakkortuunik, imigassanillu eqqussuineq, atuineq imaluunniit tunniussineq, aamma inerteqqutaavoq sakkuuteqarneq, sakkugineqarsinnaasutut atorneqarsinnaasunik pigisaqarneq.

Pasilliutigivinneqarpata aangajaarniutit imaluunniit pequtinik, uninngasunut, imminut imaluunniit allanut ulorianarsinnaasut, pisariaqarsinnaavoq uninngasut allagarsiai, inaa aamma pigisai misissorsinnaallugit, timisiorlugit aammalu uninngasut quumik tunniusseqqullugu imaluunniit aalakoornartumik misissuummik supoorseqqullugu. Aangajaarniutit pequtillu uloriarnartut arsaarinnissutigineqassapput.

Nammineq pigisanik kisimi nassartoqarsinnaavoq, uninngasut sulisullu akornguteqanngittumik ineeqqaniisinnaasallutik. Tamakku sulisullu isumaqatigiissutigineqassapput.

Uninngasut akunnerminni niuerniarpata, niuerneq aaliangersimasumik attavigisartagaq afdeling-illu ittuat isumaqatigeeqqaarneqassapput.

Isumaqatigiissutaanikuungittut niuerneq, nalilinnik paarlaanneq, aningaasanik atortitsineq imaluunniit aningaasanoorneq uninngasut iluminni inerteqqutaavoq. Unioqqutitsisoqarpat aneertarfeqarneranut kinguneqarsinnaavoq.

Uninngasut allakkanik poortukkanillu tigusisinnaatitaallutillu nassiussisinnaatitaapput. Pisinnaatitaaffillu killilersorneqarsinnaavoq, aammalu imarisaanik misissuisoqarsinnaalluni, pasitsaasinikkut nakorsaataappata, aangajaarniutaappata aammalu pequtinik ulorianarsinnaappata imaluunniit uninngasunut eqqussisoqarpat. Misissukkat politiit maleruaqqusai malissavai.

Malittarisassat tamani R-mi malissavagut. Ukuusut:

• Aneertarfeqarneq apeqqutaavoq, uninngasoq qanoq pineqaatissinneqarnera apeqqutaalluni. Ilaanni politiit/eqqartuusiveqarfiit akuersineratigut pisinnaasarput.
• Anertarfininneq nalileereernermi pisarpoq, aallarniutigalugu katsorsartinnermi tunngassutilinnik aammalu inatsisitigut isumannaatsuunerisigut. Naliliiffigineqassapput atornerluinerisa, sulisulli nakkutiginninnerisigut aamma oqaloqatiginninnerisa tunngavigisaanik. Katsorsatinnermik nakorsaanerup akisussaaffigaa aneertarfiit aammalu aneertarfiup ingerlannissaa. Aneertarfinissinnaaneq ataatsimiissutiginikkut akuerineqartarput.
• Nakkutigineqarlutik aneertarfiit aallartittarput napparsimavissuup eqqaani, katsorsartinnermut tunngaviusunik sammisanut, kingornalu annertusineqarsinnaalluni.
• Kisimiilluni aneertarfik aallarnerneqartarpoq napparsimavissuup iluani, annertusiartuaarneqartarlunilu. Uninngasut nammineq aneertarfillit aneersinnaapput, sapaatsip akunnerani malittarisatik malereerunikkit.
• Naliliiffigineqaqqaartarput uninngasoq aneertarfini paarisinnaaneraa.

Uninngasoq angerlanngittoorpat imaluunniit qimaasimappat, aneertarfeerutissaaq.

Aneertarfik atorunnaartinneqassaaq, kingornalu katsorsartinnermi akisussaalluni nakorsaaneq nalilissuaa qaqugu uninngasoq aneertarfineqqissinnaanersoq.

Aalakoornartunik aangajaaniutinilluunniit aneernermi afdeling-imiluunniit atornerluisutut pasitsaassaqarpat aneertarfiiagaassaaq. Uninngasoq quummik tunniussissaaq, akoqanngippat, katsorsatinnermi akisussaaluni nakorsaaneq naliliiumaarpoq aneertarfineqqinnissamut. Uninngasorlu katsorsartinnermi sammisassanut nakkutigineqarnikkut napparsimaviup iluani peqataasinnaalluni.

Uninngasoq pissuserinngittuliorpat, sulisunit nalilerneqarsinnaavoq ulloq taanna anisinneqarsinnaanngittoq ullorlu tulliuttoq ilanngullugu.

Pissutsit killiliinerillu uninngasumut ataasiakkaamut pisinnaavoq, maleruagassanik inioqqutitsinngikkaluarluni. Uninngasup katsorsartinnera pisariaqartutut nalilerneqarpat aammalu uninngasumut, uninngaqataasunut, sulisunut qanigisaasunullu pisariaqarsorineqarpat killiliisoqarsinnaavoq.